إلى من سيبتليها الله بى
إلى من سيبتليها الله بى, إلى المجهولة زوجتى, حبيت أبعتلك رسالة أقولك فيها على عيوبى ومشاكلى الكتييييييييييير أوى (علشان أبقى عملت اللى عليا)
وإليكى عيوبى :
بصي ياستى أنا موش اجتماعى, يعنى تنسى موضوع الحفلات والسهرات والعزومات والمقابلات إلى آخر (ــات)
صاحب أضعف ذاكرة فيكى يامصر بلا فخر, يعنى أكيد هانسى عيد ميلادك وهانسى عيد جوازنا, وهانسى اتقابلنا فين وازاى وامتى, لكن بالنسبة لاسمك موش عاوزك تقلقى خالص هايتحفظ يعنى هايتحفظ
لكن عزائك الوحيد فى ضعف ذاكرتى إن أسرارك كلها هاتكون فى بييييييييييييييييييييير
موش فهلوى, ولا بُرم ولا أدرجى ولا باعرف أسلك طريقى ولا ولا ولا
هادى أوى لدرجة البروووووووود فى بعض الأوقات
موش هانحتاج لـ"ديب فريزر" ياحياتى هـا"اتلجلك" حياتك ياروح قلبى
أحياناً بيقولولي إنى "غريب" بسبب بعض آرائى وانفعالاتي وسلوكياتي و ردود أفعالي "الغريبة" بعض الشئ - على حسب زعمهم- يعني ياستى تختاري الاسم اللى يريحك نادر أو غريب
يغلب على كلامى الهزار الشديد والتهريج (أكيد واخدة بالك)
سيل من النكت البايخة والتعليقات السخيفة هاغرقك بيه يوماتي, وبـ"أهزرك" قصدى باحذرك تتكلمى جد ف يوم من الأيام
عندى مخزون من الكآبة والعقد يكفى لاحباطك مدى الحياة
بغض "البصر" قصدى "النظر" عن العيب اللى فات, وماتسألينيش ازاى
إنسان فاقد الهدف بس للأسف موش عارف أطلع "بدل فاقد هدف" (بدأت بس اليومين دول أفهم يعنى إيه هدف, وباحاول جاهداً أدورلى على كام هدف كده ييجوا على مقاسى علشان أعجبك)
موش مثقف أوى, يعنى لو اتكلمتى معايا هاتكتشفى التكرار المُمل لبعض الكلمات المُملة أيضاً زى :
موش عارف, موش متأكد, ماعنديش فكرة, ماعنديش خلفية, ماأقدرش أفيدك
يعنى من الآخر (ميييييييييييييح)
يابنتي أنا م الآخر لُقطة, و"لُقطة" ميه تساوى حياة, اتمسكى بالحياة
إلى من سيبتليها الله بى, إلى المجهولة زوجتى, حبيت أبعتلك رسالة أقولك فيها على عيوبى ومشاكلى الكتييييييييييير أوى (علشان أبقى عملت اللى عليا)
وإليكى عيوبى :
بصي ياستى أنا موش اجتماعى, يعنى تنسى موضوع الحفلات والسهرات والعزومات والمقابلات إلى آخر (ــات)
صاحب أضعف ذاكرة فيكى يامصر بلا فخر, يعنى أكيد هانسى عيد ميلادك وهانسى عيد جوازنا, وهانسى اتقابلنا فين وازاى وامتى, لكن بالنسبة لاسمك موش عاوزك تقلقى خالص هايتحفظ يعنى هايتحفظ
لكن عزائك الوحيد فى ضعف ذاكرتى إن أسرارك كلها هاتكون فى بييييييييييييييييييييير
موش فهلوى, ولا بُرم ولا أدرجى ولا باعرف أسلك طريقى ولا ولا ولا
هادى أوى لدرجة البروووووووود فى بعض الأوقات
موش هانحتاج لـ"ديب فريزر" ياحياتى هـا"اتلجلك" حياتك ياروح قلبى
أحياناً بيقولولي إنى "غريب" بسبب بعض آرائى وانفعالاتي وسلوكياتي و ردود أفعالي "الغريبة" بعض الشئ - على حسب زعمهم- يعني ياستى تختاري الاسم اللى يريحك نادر أو غريب
يغلب على كلامى الهزار الشديد والتهريج (أكيد واخدة بالك)
سيل من النكت البايخة والتعليقات السخيفة هاغرقك بيه يوماتي, وبـ"أهزرك" قصدى باحذرك تتكلمى جد ف يوم من الأيام
عندى مخزون من الكآبة والعقد يكفى لاحباطك مدى الحياة
بغض "البصر" قصدى "النظر" عن العيب اللى فات, وماتسألينيش ازاى
إنسان فاقد الهدف بس للأسف موش عارف أطلع "بدل فاقد هدف" (بدأت بس اليومين دول أفهم يعنى إيه هدف, وباحاول جاهداً أدورلى على كام هدف كده ييجوا على مقاسى علشان أعجبك)
موش مثقف أوى, يعنى لو اتكلمتى معايا هاتكتشفى التكرار المُمل لبعض الكلمات المُملة أيضاً زى :
موش عارف, موش متأكد, ماعنديش فكرة, ماعنديش خلفية, ماأقدرش أفيدك
يعنى من الآخر (ميييييييييييييح)
يابنتي أنا م الآخر لُقطة, و"لُقطة" ميه تساوى حياة, اتمسكى بالحياة
2 comments:
ثانكس ليك يافوظا ياحبى
اممممممووووواااااااااه
أي خدمة يا حبيبي
Post a Comment